حوزہ نیوز ایجنسی کی رپورٹ کے مطابق، وہ اہل خانہ کے ہمراہ ایران کے مقدس شہر مشہد میں امام رضا (ع) کے روضہ مبارک کی زیارت کے لیے روانہ ہوئے تھے۔ اس مقدس سفر کے دوران شہرود کے علاقے میں ان کی گاڑی ایک خوفناک حادثے کا شکار ہوگئی۔
حادثے کے بعد شدید زخمی حالت میں انہیں شہرود کے قریبی اسپتال میں منتقل کیا گیا۔ ڈاکٹروں کی مکمل کوششوں کے باوجود تھوڑی دیر بعد اسپتال انتظامیہ نے ان کے انتقال کی افسوسناک خبر کی تصدیق کردی۔
سید ابو عماد حیدری ایک قابل اور مخلص محقق اور مذہبی مصنف تھے۔ وہ طویل عرصے سے "مرکز تحقیقات ولی عصر " میں کام کرتے ہوئے اسلامی فکر، تحقیق اور دعوت کے میدان میں اہم خدمات انجام دے رہے تھے۔ ان کی تحریروں اور تحقیقات نے متعدد قارئین کے افکار کو منور کیا۔
اس حادثے میں ان کی اہلیہ اور بیٹا بھی شدید زخمی ہوئے ہیں اور فی الحال شہرود کے اسپتال میں زیرِ علاج ہیں۔ ان کی صحت یابی کے لیے ہر جگہ دعا کی جا رہی ہے۔
ان کے انتقال سے دینی اور تحقیقی حلقوں میں گہرے غم کا ماحول ہے۔ ساتھیوں، طلباء اور معتقدین نے اس فاضل محقق کی روح کے لیے مغفرت کی دعا کی ہے اور سوگوار خاندان سے دلی تعزیت و ہمدردی کا اظہار کیا ہے۔
آپ کا تبصرہ